Tutto o va via

In quattro e quattrêutto a nasca giöna tutta a l'è morta sciù pè queste rïve, e do tempo bon ninte ciù chì o vive, sulo rigordo l'è o gran sô da stâe... Presto o ciangià l'inverno sciù a mâe tâera, nevadde a- i bricchi e freidi pè a cianöa e- a stradda p'ogni vitta a sajà döa, anche per mì...che a vaggu tramuntando. Ma çendiò a stïva drento da stansietta, e Gandôggia o sajà o mâe bon compagno, e poetando, sensa mai miô a- o guadagno nêuve sciame de sô sentiò pe- o chêu, in'ötra stâe, ch'andià poi via, come tutto o va, drento lasciando e sospì e lutto!