Il Mare

Comm'me manca o Mare. Gesù, comm'me manca! E' n'ammore grande, nu curdone ombelicale e quann'o penzo ca stà luntano sento na strett'o core, comme se me mancasse ll'aria. Nu senso e vuoto m'attanaglia, na tristezza amara; o po capì solo chi è nato vicin'o mare. O voglio bbene quanno, respiranno chianu chianu, accarezz'a rena, e ll'aria se m'prufuma, e tutt'attuorno, co riflesso da Luna, disegna Paravisi in miniatura. O voglio bbene pure quanno se scatena, quanno co maletiempo s'incazza malamente, cu mille cavallune s'allamenta, schizzanno n'facci'o viento scumma e rancore. E na preghiera me sussurra o core: quanno arriva ll'ora, purtatemi a murì vicin'o Mare.