Chimera

Tiene na faccella comm'e chelli bambulelle e purcellana antica. O naso alla Francese, na vocca rossa comm'e na Cerasa, duie uocchie ca me parono ddoie Stelle, e o riesto, che tto dico affà, fresca comm'e a panna e nu babbà. Te muove comme fusse na Farfalla n'coppe a stì dduie tacchi a spillo, liggera comm'a brezza e primmavera. Si bella comm'e na jurnata e Sole, carnala comm'e notte e Luna chiena. Si suonno e desiderio, si nu suspiro e Core e chi te guarda e more. Si nu prufumo e Vita! Pe mmè tu si Chimera, malincunia d'ammore, rimpianto e giuventù.