Dialettali 18 maggio 2010 · lettura 1 min · 1170 letture

s + Segui

Quannu lu jornu scura currinu a li pagliara li curatula e li strippara, cu arriva pi primu adduma lu focu quattru ruvetta sicchi e spinusi pi cociri du cavatuna e 'na patata, ddu focu adduma l'arma afflitta e quadia l'ossa di li picurara, fa friddu la notti e la campagna eni disussata, ddu cufularu cu la sciamma ardenti fa scurdari lu Natali. Lu focu 'mmezzu a lu pagliaru fa compagnia e teni cavudu ognunu di li presenti suspira allenta li causi e scurreggia e pensanu a li muglieri a li figli e a la picciotta luntanu di ddu marcatu 'nta li stanzi ammadunati di 'mpastu. Tutti si ritiranu a li ghitteni spiranzusi 'nta lu sonnu ognunu vulissi abbrazzari la propria amanti, fora di li pagliata lu ventu sciuscià forti e tutti tiranu supra la testa la cummigliatura. Quando finisce il giorno i contadini e i pastori ritornano verso i loro umili pagliai. Qualcuno accende il fuoco e prepara un povero pasto, trascorreranno gran parte della nottata a parlare dei loro familiari e di sogni che difficilmente potranno avverarsi.

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

salvatore maurici

Sono nato a Sambuca di Sicilia. Ha collaborato a diverse testate giornalistiche su temi letterari, scritto e pubblicato diversi lavori di genere vario, in modo particolare di poesia.