Come un zugo de Santa Lùssia (Come un gioco di Santa Lucia)

Ghe pensèo mai che al di de ancò l'è sempre Santa Lùssia? E un colpo te spèti la machina nova, un colpo la busta paga po' el dì de festa, 'na gran magnada e quel che resta, 'na bela butela, 'na carga de pila, e 'naltra te intriga, e tutto un spetàr, e scartar, e spetar . Ve ricordeo da butini che bela la note de Santa Lùssia? E proprio parché te spetài tutto l'ano, quel dì che vegnea 'na olta sola. La sera prima te lasai sula tola el vin el late e la paja. E che fadiga indormensarse, con l'agitassion par che i bata al porton, de sentir l musso che el maja el fien, se no te dormi magari no la vien, o la te buta nei oci la sabia e la se rabia. Ma i boci i dorme sempre, tanto che l'ora ndo la riva. E gnancora a matina zo in cusina a scartar pachi e magnar caramele e zugare. E i zughi i durava fin l'an che vegnea, e la te capea. Par quela che a olte rivava roba che no te gavèi domandà, ma che servea tanto a sentir mama e papà. Comunque se sa, jera tutti zughi de Santa Lùssia, roba da bùtìni. Adesso si che sten ben da grandi, la vien tuti i giorni col saco pien, e digo ben val la pena spetarla con ansia, e spacarse la schena e la pansa, savendo però che anca i zughi dei grandi i dura poco, e i stufa in pressia, ma tanto se sa la olta dopo ghe pensa Santa Lùssia.