Arete 'e lastre

Na' piccerella guarde fore arete 'e lastre da fenesta stanotte arriva 'a Befana, è l'uldema festa nu suspire fatte 'nzieme a nu surrise speranzuse e se va 'a cuccà cu l'uocchie 'nfuse so doie lacrene chiene e gioia e alleria stanotte 'a Befana arriva e tutte 'e feste se porte via. Annarella 16 anne, guarda fore arete 'e lastre do' balcone st'ammore, 'o primme ammore, te stone assente, distratta, 'a vote dispettose e già te suonne e te vede spose 'o stommeche è na farfalla, 'o core sbatte 'mpiette l'uldeme sguarde fore, e po vai dinto liette. Arete 'e lastre, na sposa aspette 'o marite ca fatiche songhe 'e sette, e ancore triche 'a tavele è apparicchiate cu na rosa rossa 'ncentre se scarfe 'e mane e aspette ca rientre 'a casa è fredda ma è chine d'ammore 'o stesse ca t'arrubbai 'o core. Se fatte quase mezanotte, arete 'e lastre na mamma aspette l'anzia s'ammesca co fumme e nata sigaretta l'uocchie sanne stancate 'e guardà fore 'mpiette sbatte forte 'o core e s'aquiete sule quanne 'o vere in luntananza e quanne finalmente se cocche dinta stanza. Arete 'e lastre a vote passa 'a vita comma na giostra ca gire 'e lancette do munne senza sosta na piccerella ca cresce e addiventa na nammuratella 'o suonne ca s'avvera e addiventa 'a sposa bella ca sempe arete 'e lastre aspette 'o marite e po' na vota mamma, aspette 'mpaurite chesta è 'a vita ca passe comma na giostra ca gire continuamente, senza sosta.