'A malincunia

Nce stà na cosa c'abbrucia, nera comm'a pece cchiù azzeccosa d 'a colla, tosta comm'a na preta, coce e luce nun fa, 'a vita, 'a parte ddò lustro nu' ff 'avutà! Quanno arriva pe' sfizio se 'ntalléa, s'abbotte e nun se sazia: 'o core, tutto te siente arrusecà! Nfàme sta sempe appustata! Zitto, senza te ne fa addunà, s'accosta cu nu passo felpato: pàffete, te zompe 'ncuollo e sbattuto pe' terra te fa truvà! Tutte l'ombre passeno: essa, cucciuta là rummane! Comm'a l'acqua trase pe' tutt' 'e pertuse ca trova nfunno scenne, scavà, s'annasconno e.. fetosa se fà! Sta cosa ca mette all'anima lli ppene, sapite ched'è? E' 'a malincunia! Avite voglie 'e nzerrà 'a porta! Si addà trasì, tuzzulea cchiù forte; ustinata, se fa sentì! Ve chiamma cu cierti strille! Santo p' 'a scuraggià nun ce ne stanno.. se nun schiarisce, ll'avit' arrapì!