Dint'a 'nu suonno

quanta cose aggio sunnato chesta sera, me parevano cchiu belle sti culure, me ritorna tuttocosa int 'e penziere, chillu suonno 'o sto sunnanno n'ata vota. 'e criature ca pazziavano felice, chella gente ca pa strada s'abbracciava, io ca stevo miez'a tutte sti surrise, me sentevo n'ommo libero 'e sicuro. 'e parole ca sentevo erano overe, maie nisciuno ca diceva na bugia, pure 'e sguarde me parevano sincere, manco n'ombra dint'a chiullu suonno mio. sto scetato 'e pare commo fosse aiere, quanno 'a notte 'mbraccio 'e suonne me purtaie, tengo a mente ogni mumento 'e chelli scene, vuo' vedè ca sto sunnanno n'ata vota? nun me basta 'a truva' a pace int 'e penziere, pure 'e suonne quacche vota fanno male... fanno male pecché siente ca so overe, vire cose ca ire sulo immaginato. voglio vivere stu' suonno 'e ll'ata sera, nun me 'mporta si po 'o munno me fa scemo, ce sta ancora tiempo pe cercà l'ammore... nun me arrenno fino a quanno nun 'o trovo.