Autunnu (I suspira da me terra)

Arriva l'autunnu dintra stu suli ancora cavuru ca sciddica cchiù sveltu darrè i muntagni. Scinni siccannu pampini e maturannu alivi quannu ancora nall'aria i muschi su mmriache di mustu. U ventu ciuscia l'acquazzuni purtannu trona e saitti ca nicu u cori dintra s'ammuccia luntanu di finestri. U vicchiareddu d'arrè a porta spera a sira c'agghiorna prestu e u suli arreri viriri dopu a tempesta dda tempesta ca porta friscu e ventu pulizia i strati e si carica i terri dda tempesta ca porta ncapo i marciaperi fogghi sicchi e babbaluci morti.