L'intervista

ME CHIANGNE '0 CORE GUARDANNE CHESTA GUERRA CA 'E FIGLIE 'E NAPULE MO SE STANNO A FA'! Dicette MARITTIELLO, ll'atu juòrno al giornalista, ca 'o jette a' intervistà! Po', na pausa alla Celentano le venètte ma, tutto 'nzième, se repigliaie de botto. "Amìco, permettete 'a sti guagliune primma ca moro nu consiglio, io le voglio da'!" ('E sorde! Cu 'a camorra' subbeto'se pònno fa' ma se more ampressa... è chesta, è verità!) Pirciò, nun v'accedite e stàteme 'a sentì! Facite pure vuie comme facc'io ca pure viecchio vaco 'a faticà calcanno 'o palcoscenico de sta società! Jate, jate luntano, purtateve 'e canzone 'e sta città cantate a tutto 'o munno "'O sole mio" "Santa Lucia luntana" e "Maria Maria" nu filo e voce, v'abbasta pe' cantà poca fatica e denare 'e qualità pe vuie ca site artiste, pecché figlie 'e sta città! jate, jate luntano! E nun guardate si se chiamma America o Giappone 'a vita è bella... jettate... sti cannune!