Munnu

Munnu, chi si' minnicu e trarituri! Ri quannu caminamu a quattru jammi, prima prumietti a nui gioi e favuri, ci fa' pruvari i vasuna r'i mammi, ci 'nsigni i cori so' quantu su' granni, e poi, quannu l'aimu rintr'e pietti e li purtamu sempri a tutti 'i banni, ci li scippi d'u cori e ci li ietti. Accussì facisti c'a mammuzza mia, chi m'a livasti quann'era disiusu ri cummiarila un po' comu facia cu mia quann'era nicu e capricciusu. Va, ricci quantu beni ci vulia! 'sa ti binirirà c'u cori schiusu.