Sira

A trabunuta 'u munnu s'arriposa, si nni torna p'a casa ogni cristianu e puru pi l'armali è 'a stissa cosa. Sciuritri e chianchi a nanna si nni vanu, scinciennusi li fogghi p'a nuttata. Spuntanu i primi stitri a una a una trimannu e, quannu c'è affacciata e 'i negghi nun l'ammuccianu, la luna metti nto cori pinsieri r'amuri. Iri a to casa cent'anni ti pari, e, fussi tu patri o figghiu, 'u caluri ca ci truovi 'un si poti mai scurdari. Momentu ri paci è, c'ogni duluri addrummisci, e t'ammita a spirari.