Vulissi

Vulissi aviri 'a forza ri Sansuni pi dariccilla tutta a cu nun n'avi, ori e dinari avirini a miliuni pi libirari quanti sunu schiavi ri lu bisuognu e li nicissitati. Vulissi essiri un santu prutitturi ri debuli, chi sunu supraniati ri putenti buriusi e senz'anuri. Vulissi rari amuri e cuntintizzi a tutti pari e ri spiranzi un cuoppu. Oh Diu, quantu valissiru in biddrizzi scancillari li sciarri e ri scuoppu i boffi manischi canciari in carizzi! Ma sugnu sulu 'n uomu e vuogghiu truoppu!