Tri carti

'Un c'è chi diri: sugnu furtunatu. A poker, jucannu cu' la vita, mi misi 'n testa 'i vinciri 'a partita, rischiannu tuttu chitru c'ha vuscatu. Pirchì cu itra 'a posta è cunsistenti di risidderi, vucazioni, amuri, chi fanu addivintari jucaturi puru a c'un havi vogghia 'i fari nenti. C'a prima manu persi 'a picciuttanza, ma poi cu testa rura e anticchia affisu mi rifici puntannu a la spiranza. Pigghiai tri carti, tri niputi ...'i pisu, e 'un fici 'na scalitra r'impurtanza; ma è bona p'acchianari 'n Pararisu!