Finalmente tu

sto cercanno 'a chiave p'arapi' sta porta, mise e mise e nun 'a trovo... damme n'aiuto, dimme coccosa, 'mparame 'a strada aggio visto 'e surrise, aggio letto 'e penziere... po' tutto scumpare, stammo vicine, ma me fa male... ogni tanto me daje 'na speranza, 'nu juorno nuovo, ma te sento luntana ancora... e nun trovo chiù parole quanno scenne 'a sera e po' l'illusione, chella fà male, se piglia ogni penziere pe te 'mbruglià, e io nun saccio c'aggia fà ma nun voglio avè paura, songo pronto a tuttocosa, chistu fuoco ancora brucia, nun me 'mporta si me cocio 'o mare è chiù calmo stasera, forse è 'a vota bona... tu me guarde e ride, si felice, ...bastava accussi' poco...