cittadino do munno

Cittadino do' munno, io... accussì me sento, perciò 'a vita, 'a passo tra paricchia gente. Na casa grossa?... No nun me serve cchiù si scengo 'a copp' voglio... voglio 'o mare blu ! La vita nun è fàcele , anze è molto dura e nun vale, si te chiude dint' a quatto mura. Io nascette Amelia, in provincia 'e Terni addo' 'o verde abbonda, addo' 'o verde è eterno, (Pure 'o poeta 'o dice, io ne so' cuntento!) Fuie purtato 'a Napule ca ero ovèro peccerillo e dint'a nu tiretto mettettèno 'o nennillo. Chillo era 'o lietto... chell'era 'a cunnulella, ce steva ancora 'a guerra, ca nun è cosa bella! 'A sfravecatura! Allora se levav' 'a tummarelle, cu li nave affunnate, dint' a lu mare bello. A guerra finita, Napùle campava a jurnatella mentre p' 'a strata, 'a voce, de li mummarelle cu vecchie ca se tiravano, càrreche 'e carrettelle. ('A pubblicità, 'a faceva allora 'o pazziariello.) 'A scola 'o sottoscritto, nun era nu cannone vuleva sole, mare, poesie, e ddoie canzone. Perciò fernette amprèssa, e jette a faticà. A cinquantacinch'anne, ero già nu pensionato faticanno quarant'anne tutte 'e una tirata! E fuie proprio allora, fuie chella jurnata ca me dicette, obbì si furtunato, datte da fa' uagliò, si tiene 'ncapo 'e scrivere, si vuò fa' l'autore pecchè nun saie, si te restano anne, mise o ore. Na casa 'nterra a rena, là me l'accattaie Scalea, ca è nu paese, bello e tranquillo assaie. Addò quanno me fermo, scrivo a tutta forza primma ca fernesce, de se fa vecchia 'a scorza. Guardanno attuòrno veco, chillu bellu mare blu luntano l'orizzonte, na varca 'a mmare, 'o cchiù! Cu st'aria 'e mare fino, me sento natu tanto, me scordo de li guaie e guardo sulo annante. Sunanno na tammorra, sunanno 'o puti pù manco 'a televisione io voglio guardà cchiù Ca de nu munno 'e guaie, è chiena sta tivvù, fenesta, ca quase sempe, dà grandi tristezze, facenne scurdà a tutti, che cosa è l'allerezza. 'O leggere m'aiuta, me dà forza e prièzza perciò vulesse scrivere, sulo pensiere belle, facenno vedè all'ate... comm'int' 'e ritrattielle!