Tre frate 'e na sora

Nuje simme tre frate 'e na sora si nun fosse arrivate, mammà ce stesse pruvanne ancora simme state crisciute dinta l'ammore e ciò purtamme sempe dinto core simme sempe pronte a stennere na mane oggi comma aiere e pure dimane. Nuje simme tre frate 'e na sora, quatte figlie e ce vulimme bene e cheste fa meraviglie ma 'a scola nosta so state mammà e papà sempe 'nammurate e pronte 'a ce cunzulà e simme crisciute aunite e ricche dinto core cu na ricetta semplice, l'ammore. Nuje simme tre frate 'e na sora, 'o primme songhe je e mammà cu me s'affidaje 'a Die parturette 'a taglie cesaree e nun fuje cose 'e niente e pure na scossa 'e terremote a darle chiù turmiente ma sto cà pecché mammà ha luttate ca morte e l'ha mise fora 'a porte. Nuje simme tre frate 'e na sora e ce vulimme nu munne 'e bene l'ammore 'a nuje ce scorre dinte 'e vene simme state crisciute cu pane, ammore e fantasia e sti principie regnene pure 'a casa mia pe cheste è nata sta poesia, pe troppe ammore è isse l'arteria principale 'e chistu core.