Mez'ora cu vuje

quanno parlate me parite 'a vita, 'nu poco 'e verità miez a tante buscìe... io ve guardo e so 'ncantato, nun v'o dico, ma se vede e vuje chesto l'ato capito, a quala femmena nun piace, è 'na cosa ca se sape... ce vedimme ogni matina, nun ne pozzo fà cchiù a meno, tengo pure 'a scusa bbona... 'o cornetto e 'o cappuccino, site vuje ca m'o facite, chist è 'o bar degli amici me trattengo 'na mez'ora, faccio tutto chianu chiano... comme cocie stu bicchiere! ma sott'uocchie me guardate, chistu trucco già 'o sapite, songo carta cunusciuta m'accuntento e 'nu surriso, tanto faccio capa e muro, simme tutt'e dduje spusate vuje tenite a 'nu marito, curtulillo e brutto assaje, ma nun voglio fà battute... 'a mugliera mia 'a sapite, nun parlamme quase maje, stamme 'nzieme pe' criature e accussi' facimme e scieme, ce sfuttime ogni matina, chisà 'a gente e nuje che dice... ce scurdamme 'e tuttocosa, se fa 'a folla fino a fore... v'hanno fatto 'na cazziata se so fatte 'e nove e meza, è passata quase n'ora, tre cafè m'aggio pigliato duje minute e me ne vaco, n'ato surso e ve saluto... comm'è amaro stu surriso ma che fesse simme state, nun ci'avimmo maje credute, mò a che serve sta mez'ora... chesta vota accussi' è ghiuta, po' chi 'o sape, n'ata vita... nun è stato proprio cosa.