Annanz a te

Finalmente so' sulo, annanz a me viento e mare... che pace... che addore... rifletto 'ncopp 'a vita, ce songo affezionato... nun 'a lassasse maje ma venarrà 'o mumento, e a chesto me priparo... 'o faccio tutt 'e sere pecché si vene 'o juorno... me ne vogl ' ì tranquillo, senza tenè rimorse e allora parlo 'o mare, pe' liberà stu core... cunfesso ogni peccato ammiro pure 'o cielo, cu tutt 'e stelle soje, ma quant'è bella 'a vita... cu me si stata overa, nuje simme frato e sora, te voglio troppo bene è sulo 'nu penziero, nun saccio che me piglia, vulevo a tte sultanto te tengo dint 'a l'uocchie, ma t'aggia sta vicino... 'nu suonno nun m'abbasta e ccà,fra cielo e mare, ce stammo sulo nuje, te pozzo sentì bbon scumpare tuttocosa, 'o viento,'o cielo e 'a luna, si tu ch'aize 'a voce... e io veco 'o munno sano, l'afferro cu stì mane... m'he fatto 'na surpresa ma commo so' felice, me staje penzanno ancora... che gioia ca me regale... dint 'a stu temporale, c'e miso 'a mana toja... me n'aggio visto bene... e po' vene dimane, n'ata juornata 'nzieme... chisà po' che succede...