Ântrasatto
Nino Vicidomini
132 poesie pubblicate
+ Segui
Vène ’e vvote ca te siente
tanto assaje cchiù scunfiràto
ca nun tiene manco ’a forza
’e te guardà’!...
’Sti ghiurnate so’ nu muozo
se ne passano accussì!...
Sempe ’o stesse, tale e quale,
e si chiove o si esce ’o sole
niente cagna attuorno a te.
Chesta vita se cunzuma
lentamente,
piccio piccio
comme fosse na cannéla;
na cannéla
ca tu nun può’ trascurà’.
T’hè stà’ attiénto!...
Dint’ ’ a niento,
soscia ’o viento e ’a fa tremmà’.
Ântrasatto
na ventata, cchiù dde n’ata,
è capace ca se ’mponta;
soscia forte e ’a fà stutà’.
...E fernesce tutto cose,
una bbòtta,
accussì...
VOCABOLARIO
Ântrasatto: d'improvviso; Piccio, piccio: lentamente; soscia: soffia; una bbòtta: d'un colpo
©
Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.
L'autore
Nino Vicidomini
__________________La mia infanzia è scritta sulle scialbe facciate dei palazzi secolari della strada che mi svezzò con il metodo antico. In quella strada vestita di storia che affaccia al Vesuvio io vidi la luce nell’umido basso di un angusto cortile; partorito sul lucido marmo del tavolo in noce c
Commenti (0)
Accedi per lasciare un commento.Accedi
Ancora nessun commento. Scrivi il primo!