Serat’ ’e maggio

Serat’ ’e maggio; festa dopp’ a festa!... Mpuntone â via friévano zeppole e panzarotte mannanno dint’ ’a ll’aria addore d’ ’o ffurmaggio. Serate ’e maggio Cu’ ’e bbanche ’e frutt’ ’e mare, cu’ ’e puóste ’e verdummare tutt’appicciate sott’ ’e lluce ’e ciento!... Mùrele d’oro... e, ncielo, ’a luna janca c’annargretava ’e vasule ...e nuje assettate nterr’ ô marciappiére. Serate ’e maggio... N’aggio cuntato nuozzóle, frummèlle e ritrattiélle quanno pazziavo ô schióppo cu’ ll’ati guagliunciélle!... N’aggio spaccato strùmmole, n’aggio rotte pastòre, n’aggio spezzate pìvuze. Ddio... quantu tempo fa!... • Mpuntone â via: all’angolo della strada; friévano: friggevano; zeppole e panzarorre: frittellone e crocchè; furmaggio: formaggio; puóste: postazioni di vendita; luce ’e ciento: lampadine da 100 watt; nuòzzole: noccioli, ossi di albicocche; frummèlle: bottoni da biancheria; ritrattiélle: figurine; schiuóppo: gioco che consisteva nel far capovolgere una parte o l’intera quantità di figurine con l’aria emessa da un colpo di mano copputa battuta vicino ad esse; strummole: trottoline di legno; pastore: piastrella con la quale si giocava in svariati modi; pìvuze: bastoncino di legno affusolato alle estremità usato per giocare alla lippa.