Mentre te cerco

Stongo n'ata vota ccà, annanz a te... ma nun ce credo, nun po' essere overo Stu posto nun t'appartene... ...è friddo e scuro... chine 'e paure Chisà addò staje, che faje, sì pienze a nuje... che mistero Io te credo, te parlo ancora, nun m'arrenno maje, sì cchiù forte e tuttocosa Staje luntano, ma chi 'o sape... forse nun me maje lassato, sulo mo' l'aggio capito Tre anne so' passate, a me me pare ajere... ma tu nun sì cagnato Te veco sempe allere, raccunte 'e stesse storie... che chiacchiera ca tiene... Nun servono stì rose, me fanno sentì sulo... ma chi te l'ha purtate...? Tu 'a ccà te ne sì ghiuto... nisciuno l'ha capito, vaje cammenanno ancora... E a te chi te fermava, c'o pepe ca tenive... nun ci'aggio maje creduto Però me manche assaje... 'o saccio,è n'ata vita... ma primma m'abbracciave... Mo' 'e cose so' cagnate, m'aiutano 'e penziere... ma 'e vote è accussì poco... Vulesse 'nu minuto, pe te parlà 'a vicino... dincello pure a Dio! Capisco tuttocosa, ma chesta è 'na tortura, m'avissa da 'na mano... Io me ne torno a casa, c'o chianto miez 'e dete... aggie pacienza, scusa... Nun ce riesco ancora, ce cado tutt 'e vote... ma che malincunia Doje vite separate, tu 'ncielo e io sott 'a luna... cercammece 'a luntano...