Tra luce e scuro

Sole, sole là fore, sole dint all'uocchie tuoje, è ancora vita... Notte, scura sempe ampresso notte, senza ammore nun può niente, sì distante... Cagna, st'amarezza 'e vote cagna, t'accumpare 'a strada annanze, t'arrepiglie... Ciorta, ce vo' sempe 'o poco 'e ciorta, ma sì chiagne è ancora peggio, se fa tosta... Vita, tu sì chine 'e chesta vita, nun è perzo maje 'na sfida, sì 'o cchiù forte... Suonne, ce sta chi more aspettanno, senza avè manco 'na chance, và cadenno... Viento, scioscia forte int 'e capille, spicialmente quanno curre, 'lle vaje 'ncontro... Triste, chesta vita è accussì triste, cierte vote è pure corta, nun dà tiempo... Canta, quaccheduno ancora canta, trova 'a forza int 'a speranza, resta a galla... More, chi nun tene cchiù ragione, cerca sulo 'e sta quiete, s'arreposa... Munno, chesta è 'a legge 'e chisto munno, sì nun vive nun sì niente, pierde sempe... Forza, truove ampresso stu curaggio, pe' campà nun è maje tarde, fa 'nu sforzo...