Cu l'uocchie apierte

Forse nun è chesta 'a verità, ma che ce 'mporta... credimmece 'o stesso Nun fa niente, io so cuntento... 'e vote 'na buscìa te fa sta meglio Aropp' Dio ce penza... manco te n'accuorge 'O saccio, è 'na sciucchezza, ma è sulo 'nu mumento... che ce costa Apprufittamme, chisà quanno 'o vedimme... nun ce scetamme Putimme tutto, è chesto 'o bello... dipende 'a nuje...'a nuje sultanto Nun saje che te pierde, sarrà pure 'na speranza... ma è 'a fine d'o munno E sì pienze ca so' pazzo... nun da' retta... nun m'a piglio... se vede ca sì viecchio Io tengo sittant'anne, ma so' 'nu guagliunciello... t'ho dico senza scuorno E ccà, cu l'uocchie apierte... me faccio tanta suonne m'aiuta a guardà annanz... Te rongo 'nu cunsiglio, assettate ogni tanto... vattenne 'a chistu munno... Pe' n'attimo e pe' sempe... nisciuno te fa niente... rituorne meglio 'e primma.