Introspezione 19 gennaio 2014 · lettura 1 min · 9458 letture

+ Segui

‘O tiempo passa e va ‘ncopp’a sta terra ‘nfame assieme a chesta vita ca comme a margarita se sfronna a poco a poco perdenneso cu me ’mbraccio a stu trentatre. ’O tiempo s’annasconne ‘nzeriuso e ‘ndifferente areto a chesti lastre e ‘o poco ca è rimasto se stuta lento lento mente na guagliuncella me fa sentì chiantella. ’O tiempo va sbarianno ’ncopp’a stu foglio janco e scrive duie scunniette senza truvà arriciette dicenno chianu chiano “Io voglio alleramente parià miez’a sta gente”. ’O tiempo mio fernesce e va ‘nchiudenno ‘e porte ‘nfaccia a sti juorne nire assieme a te ca crire e aspiette doce doce ca doppo a stu straviso s’arape ‘o paraviso.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese