Areto a ogni cosa

Guarda stà vita e siente che te dico... areto a ogni cosa, ce stà 'nu piezzo 'e nuje Strade 'e tanta vote, pazziaveme criature... truove ancora 'e scritte c'amme fatto 'nfaccia 'e mura Po' simme crisciute, cu ll'aiuto 'e Dio... tengo annanz 'a chiesa 'e quanno stevo 'a casa mia Parla 'e me ogni cosa, faccio parte 'e chesto... e sì insisto ancora m'arricordo pure 'o 'rriesto Pioggia ca me 'nfonne, sole ca me squaglia... vide quanti vote l'aggio 'ntise 'ncopp 'a pelle Notte chiena 'e stelle, regneno stu cielo... e me torna a mente tutto chello ca sunnavo Viche tale e quale, cu 'e speranze 'e sempe... miez a chisti vasce stà 'o passato e stà 'o presente Niente se cancella, cagna ma nun more... resta 'ncopp 'a terra pe te fa sentì guaglione Parte 'e chesta vita, fra ricchezza e niente... chello ca respire te ritorna dint 'a mente.