’Na serata allera

Rerenno e pazzianno s’è fatta mezanotte... che ce ne ‘mporta, dimane è festa Piglia ‘a chitarra, sona pure chella... sbattimme ‘e mane e cantamme a tiempo Bussano ‘a porta, stateve zitte... sarrà ‘e sicuro ‘nu scassa ‘mbrelle... Che ve dicevo... è ‘a signora ‘e vascio, ’a cchiù ‘mpicciosa ‘e tutto ‘o palazzo Donna Carmè, diciteme tutto... che ce facite a chest’ora allerta? Nun me dicite ca è colpa nosta... dint’ a sta casa nun vola ‘na mosca "Vire che faccia de’ ccorne vecchie, state facenno scetà a tutte quante... ma nun tenite ‘nu poco ‘e rispetto? Ve pare ll’ora e fa’ stu burdello?" Donna Carmè,ma addò stà stu burdello... se po’ sapè che fastidio ve damme? Nuje ch’ammo fatto, ddoje o tre canzuncelle... ve pare ‘o caso ‘e saglì fin’e ‘ncopp? "Né,Gennarì...ma faje overo o faje apposta...? Songhe quatt’ore ca state cantanne... io me truvavo int’o meglio do’ suonno, quanno aggio ‘ntiso "Oje cardillo a chi aspiette..." " Ccà ve vulevo... Signò,v’è piaciuta? Io songo chillo ca steva cantanno... scusate tanto sì v’aggio scetato, stammo passanno ‘na bella serata "Che t’aggia dì,guagliunciè,cante buono... mò ca ce penzo ‘o facevo pur’io, ’o cchiù ‘ntunato purtava ‘a chitarra... che tiempe belle, che nustalgia..." Donna Carmè,che facite... chiagnite? Trasite pure a cantà ‘nzieme a nuje... me fa piacere ca ci’ate capite, ve dedicammo ‘a canzona cchiù bella Jamme Cirù,sona "Torna a surriento", Donna Carmè,’nu regalo pe’ vuje... tant’anne fa llà ve site spusate, cantamme allere pe’ tutta ‘a nuttata.