Cumpagno mio

Cumpagno mio, stu tiempo senza 'e nuje ci'ha fatto male... vedimme 'e ce 'ncuntrà primma d''a sera... te voglio fa' capì ca so' sincero Cumpagno mio, sì ce sentimme poco è colpa mia, ma fallo scumparè chistu penziero... desidero 'e sentì ca me vuò bene Ce cunuscimme sulo 'a tre, quatt'anne, nun ammo fatto certo 'e scole 'nzieme... ma quanno te vedevo stevo buono, sentevo ca era tuttocosa overo Ammo pregato 'nzieme mano e mano, cu tutto ca nun simme tale e quale... comme s'avessa fa' pe' tutto 'o munno, nun saccio quanti vote me l'he ditto E mo' me sta venenno 'a nustalgia, pecché me manche tu e me manca Dio... mettimme 'e vite noste cchiù vicine... io forse trovo n'ata vota 'a via Cumpagno mio, t''o sto dicenno a te ca m'he spusato, facimme 'nzieme n'atu piezzo 'e strada... cu te nun me spaventano 'e sagliute Cumpagno mio, st'abbraccio ca m'he dato m'è mancato, nun me l'ha fatto maje nisciun amico... e chesta è 'a primma vota ca t''o dico Pecché tu nun te tiene arinto niente, saje vuttà fore tutte 'e sentimente... e chi te sente quase nun ce crede... rimane a te guarda comme 'a nu scemo Ma po' capisce ca tu sì sincero, 'lle trase chianu chiano dint' 'o core, e a chillu punto nun ne po' fa' a meno... pe' forza t'adda dì " Te voglio bene " Cumpagno mio, 'na sera 'e chesta viene 'a casa mia, nun voglio cchiù sentì sta nustalgia... t'aspetto pe' parlà n'appoco 'e Dio.