Una bella jurnata

Avia un desideriu ‘nta’ lu cori, la casa ca mi vitti crisciri cu li me’ soru vuleva ritruvari. Quannu arrivai, chi meraviglia -pinsai- “ma è nica assai”! Eppuru c’era postu pi tutta la famighia! ‘A cucina, avia sulu ‘lu fucularu, li pignati e li pareddi cu ‘ li chiova eranu appizzati, pero’, lu postu c’era pi ottu vucchi affamati! La cammara di lettu, un sulu guardarobba a ddui spurtedda, “ma comu mai c’era postu puru pi li‘me’ libi e la cartedda”? Allura mi vinni ‘nta’ la menti, “eccu picchi’sutta ‘lu’ lettu nun ci stava chiù nenti! Chi ciavuru di Zagara pero’ ‘ca’ c’era ‘nta’ la casa! Chiuivu l’occhi... e la vuci di me matri ‘ni’ chiamava: “picciriddi è prontu ri manciari”! E me’ patri ‘pì farini sbariari pigghiava la chitarra, e ‘ntunava sempri la stessa canzuna, “chi bedda jurnatedda di scialari...” Iu tuttu chistu, nun lu pozzu chiu’ scurdari!