L'Urganettu
Maria Vittoria Spinoso
179 poesie pubblicate
+ Segui
Abbanniava lu vicchiareddu:
“cu voli la fortunaaa”,
ammuttannu lu so' carritteddu,
cu lu so' vecchiu urganettu stunatu
ca girava a manovella,
una canzuna d’un tempu passatu.
Li pizzina tineva
ammugghiati 'nto sacchiteddu,
cu frasi d’amuri e di vintura!
“Cu voli la fortunaaaa”...
Curreva la signiurinedda,
spirannu di truvari frasi d’amuri
e si 'un era cuntenta,
ancora unu nni vulia sbrugghiari!
Li piciutteddi ca jucavanu pi la strata
avianu caputu megghiu la sunata...
tantu cà a' la musica di l'urganettu
avianu scrittu sta bedda ripassata:
“a gran pigghiatuna pi locca,
cu cincu liri un pezzu di carta
e cu deci liri n'atr’anticchia”!
Ora li tempi su canciati!
Prima t’ammucchi lu cioccolattinu,
e po’ ti leggi, lu pizzinu!
©
Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.
L'autore
Maria Vittoria Spinoso
Si può iniziare a scrivere anche quando i capelli sono diventati bianchi. Ritengo che l' esperienza giunta al culmine della vita può raccontare molte più cose. Il mio maestro è stato Bruno Baldassarri, conosciuto in alcuni miei viaggi che mi hanno portato in Toscana ,dove lui è nativo ed è stato un discepolo di
Commenti (0)
Accedi per lasciare un commento.Accedi
Ancora nessun commento. Scrivi il primo!