Ricordi d'infanzia

Li pinseri su comu li virrini, scavanu intra la menti e circannu, nta li ricordi mi portanu luntanu, luntanu. Mi riviu mentri curru picciruddu, senza pinseri e riccu d'allegria. Riviu l'amici e li cumpagni, la me famigghia e lu me paisi. Ricordi d' un tempu passatu ca mi tornanu davanti l'occhi e comu un chiovu fisso, nun mi lassanu. Su sempri vivi e sempri prisenti. Ricordi duci ca portu nta lu cori. La notti mi fannu cumpagnia. Mettu la testa supra lu cuscinu e la menti, cerca chiddu ca nun c'è cchiù. Lu passatu diventa prisenti in un susseguirsi di immagini ca passanu e scumparinu senza putilli firmari e mancu acchiappari. Mi pigghia la nostalgia pari ca lu tempu si firmau. Velocementi, nta pochi secunni, riviu sprazzi di la me vita. Mentri pensu a lu me paisi, li labbra accennanu un sorrisu, li ricordi m'accarizzanu e dolcemente, m'addummisciu beatu.