Chiù ' a cerco e chiù nun vene

Chiù ' a cerco e chiù nun vene 'a morte a me piglià! A che mme serve stu sole ca sponta ogne matina se po' 'nnanze 'a l'uocchie mieje tutto se fa scuro e niente veco si 'o teatro da' vita chiù nun me fà ridere e stu core tutto cunzumato friddo peggio 'e nu muorto maje ncontra n'anima nfucata. Pe' capriccio, comme vo' isso ' fà 'o destino: dà a chi nun vò e nega a chi cerca! Me lascia vivo e pazzèa se sfezèa isso a me vedé accussì: nun le mporta e se spassa si nun saccio recità a suggetto sta vita ca me rimmane! 'O cunto d'ò campà i' pave scuntanno delore a rate ogne minuto ca passa me struje e nun trovo pace. Chi m'accumpagna cchiù ch' ato tengo d'int'a sta vita si no stu vulìe 'e murì? Nu poco 'e curaggio truvasso chiù scuorno 'e me nun tenesso pecché dico e nun faccio chello ca tengo d'int'a capa: tutta na vota me luvasso 'o dèbbeto e screvesse 'u finale do' rumanzo! Pe' uno ca nun tene speranza e chiù nun va ncopp' 'e nuvole fernnesso 'o schifo 'e sta 'o munno s'arrepussasso pe' sempe d'a stanchezza d' 'o ccampà! Viene Morte a m' afferrà chiù dispietto nun me fà e vuje zitte, zitte! 'O segno da croce nun ve facite nun dicete 'na parola: murmurio nun ne vogli' sentì appriesso 'o tavuto nisciuno addà venì.