Nun dura sempri un tempu

A tempu di calaciligna, 'lu rispettu era, comu 'na parola d’onuri, pì cunfortu e rassegnazioni la genti priava e dicia: “comu voli lu Signuri”! Quannu me matri salutava la nanna mia, ci parrava ittannu vuci, (canusceva la so surdia)! E ci dicia: “assa binirica matri mia” e la mischinedda cù la facci di puviredda, rispunneva: “ 'lu Signori t’accumpagna figlia mia.” Quannu mè patri ‘nta la via vidia di luntanu un amicu, un parenti, iddu, si calava la testa e cù la manu allu cappeddu, salutava. Mi ricordu quannu lu picciottu, riscurreva cù l’anzianu, tànnu si dava di “vui”! Lu “tu”si dava, sulu alli coetanei. E li carni m’arrizzanu, quannu mi tocca vidiri rispustiari li figghi alli propri familiari! Io, nun criscivu, cù sta mala crianza! Io, nascivu: quannu si traseva ‘inta la chiesa cù la manu n‘tà lu cori lu fazzulettu 'n testa era di velu ricamatu e nta li manu lu vangelu! Iu sugnu cuntenta d’ nun apparteniri a certi picciotti di ‘sta nova generazioni!