Dialettali 31 gennaio 2016 · lettura 2 min · 4008 letture

+ Segui

Quannu sta terra nasciu, lu suli calliau la via. Sbuccia lu mandurlu in scjuri, u cielu di grigiu cummoglia, cu lampi e li troni la conca d'oru prufuma di zagara d'aranci, e limuna. Amuri tradizioni fannu bedda sta terra unni u giganti s'arrabia ancora, cummatti, lassa arsura, nu monti e na valli, jetta a so ira tuttu cummoglia cu la lava,. Terra di focu, d'occupazioni, dunni la schina arrussica chi sudura, crisci ogni jornu a so mala svintura. li puzzi caini di morti viventi, gridanu o ventu dà sepurtura, bedda matruna dunni "dei" jocanu ancora, Rigina duci amuri di paci, nu mari, u suli, si specchia ogni ura. U Signuri stinnicchià li manu, lu celu squarciò, na palla di focu 'ncapu tri pilastri a Sicilia furmo', ranni d'animu cu li so biddizzi diventa na stidda cu la so struttura. Ti aduraru arabi e nurmanni, ti ficiru perla du firmamentu, telenti e dinari sunnu ni li mura, parlanu notti e jornu di la cugnintura. Palazzi e villi di tutti taliati, dunanu unuri a sta terra china di dulura, li figli so sparsi ni lu munnu, cantanu... che bedda la Siclia e li so sapura.

♥ 0 💬 2

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Giovanni Licata

Biografia Nato a Favara nel 1947, nel territorio di Agrigento,Scrive, poesie dal 1990, ha partecipato a diversi concorsi letterari, classificandosi spesso tra i primi posti, approfondendo le propri attività sulla pittura ,e alla vita sociale.