Dialettali 12 settembre 2007 · lettura 2 min · 3928 letture

+ Segui

'O saccio ca me guarde stuorto, ca, si me pienze, vulisse alluccà tutte 'e parole ca nun hai mai ditto, e "BASTA" è chella scritta ncoppa a tutto. Aggio sbagliato dieci, ciento vote. Me so arrubato tutte 'e pensiere tuoie e po l'aggio cagnate dint' a capa mia. E tutte 'e vote t'aggio miso n'croce crerenno a chello ca nun era vero. L'uldema vota so asciuto d' 'e binarie, esageranno cchiù 'e l'esagerato. Nun ce sta scusa e nun ce sta ragione, so gghiuto proprio fora 'o semmenato. E' comme si me fosse cumpurtato comme a chillo ca s'era fissato che o'core mpietto sbatte sulo pe fa rumore, e po, pe l'accunccià, senza capire, s'o levaie a pietto restanno fulminato. Io pure mo so fulminato, e saccio ca nisciuno po fa niente. Nun ero accussì scemo overamente si me rendevo cunto 'e che facevo. Comme se po distruggere na cosa che te mantene vivo ogni mumento? O core cchiù nun se rimette a posto, ma chello che t'aggia fatto, si, se po accuncià. M'aggia mparata bbona sta leziona 'cca; perciò te cerco scusa e anche perdono. Te prego, famme turnà a campà.

♥ 0 💬 2

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Massimo Imperato

Sono un "ragazzo" di 61 anni nato a Perugia da genitori napoletani, cresciuto vicino Napoli ed oggi residente a Milano. A circa 10 anni ho iniziato ad indagare con crescente curiosità sul significato dell’esistenza. La ricerca e la "coltivazione" della spiritualità mi accompagnano tutti i giorni. Grazie a questo ho