U Fattu stortu

Ma quantu su beddi i fatti di l'autri quannu su storti. Chiù ni parri e chiù li cunforti. Ca facci tristi? U sapisti chi Tina a barrista a truvaru 'nto lettu cu dentista? 'U sapisti chi Tanu 'u carpinteri rubò 'nta banca a Trimmisteri? 'U sapisti cu figghiu du scarparu truvò u midicinali ca cura nu mali raru? Cumpari sugnu certu ca t'avisti a sbagghiari stu carusu scienziatu non mi pari. Surridennu putemo diri... Sa cosa è storta no sapi sulu a morta, e po trovari puru cu si apri a torta. Sa cosa è bona, prima 'ntrona, poi non sona, e guai si ni parri o ti ziccunu arreti i sbarri.