'A Lingua

Pi lu cristianu a lingua eni 'mportanti, ma li sbagghi ca faci su puru tanti. Quannu sa riposa e bedda comu ' na rosa Ma quannu parra a vuci forti, svigghia puru li biniditti morti. Non avi ossa, ma rumpi puru li ossa. Prima di parrari, avissi a cuntari... Tanti li cammurrii ca putissi sarvari. Ci sta puru a lingua ca parra a lu mumentu, e cu la scuta ni rimani cuntentu. Lingua biniditta da lu Signuri, sulu paci e amuri, lingua da lu diavulu pusseduta, amara cu davanti l'avi avuta.