Su piscamu e s’artare

SU PISCAMU E S’ARTARE Su Piscamu er benniu dae loccos de Campidanu, allimbandenos che barbaros muntagninos, tira derettu che ne ascurtare a nemmos ca nanchi su connottu no es cosa de pompiare. Er benniu che i su mere chin su gabbanu a coddu cheriat mudare su mundu postu su e supra a sutta, s’artare e cresia che dia cherrer frundire pro ponner una cosa chi paret’una tumba. B’a zente in bichinau chi es cascande gana e sos pizzinnos no an loccu pro jocare, su dinare lu ponen a bolare ca issos ja sun paschios e bene cuberraos. Sa cresia l’aian fatta pro sas precadorias, bis at’imbrinucau prinzipales e bandios, chin s’onore e su rispettu pro su Redentore nostru, in custa dommo manna e Santa Maria e Nugòro. Ca su mundu chere lassau a su connottu comente l’amus bidu in pizzinnia, e sa zente ja cheret’ascurtada, mascamente cando li toccas sos santos e su coro.