Ite dolu!

Est precisu chi cante, e cun tristura, pro sa zente chi meritat rispettu, pro sa comunidade ch’est dilettu de su cantare meu, vida e lugura. Su ch’intendo m’iscurigat s’umore, ca non ti deghet cussa mala fama, Oliena, su coro in fritta lama t’ant passadu, e no nos est onore. Ma mi dolet ch’esseret domo mia, pro cussu rendo dolu manifestu, torrent sas bonaùras, torrent prestu pro s’operosa, allegra cumpagnia. Sa lughe de sos civicos impignos, de lottas pro deretos e conchistas, t’ant dadu fizos bonos, e provvistas, decoro e dignidade in sos disignos. Altza sa conca, lestra, pesadinde, mustra sa fortza ch’as in s’onestade, nisciunu turbet sa serenidade, luego torrat Pasca... e beniminde!