Dialettali 15 settembre 2017 · lettura 1 min · 4297 letture

L + Segui

La corte l’éra granda, là gh’éra posto par tuti, omeni strani e altri che i faséa baiar ‘l Bobi. Gh’éra l’ovarol con du sésti, ’n te’n sércolo de done ’l sbessolàa palànche. No’ mancàa ‘l strassarol ch’él pagàa pochi schèi le pèle bianche de i cunèi! E po’ l’Orbéto con le ùce no’l mancàa coasi mai, ’l ghéa i rochéti de tanti colori ch’él gé bifàa sfregolàndose l’ocio solo che gh’éra restà. Proprio strano l’éra ‘l cordonàro, ch’él parlàa l’italian assè ben, ’l ghéa du sachi de cordoni senpre rotolè e ‘ngarbuiè. Ma, i du pì bei i éra i botonari, du fradei: du gran busiàri che i vendéa senpre i botoni a metà presso, parché la fabrica ’n te na desgrassia la séa brusà. Tuti coanti i piantàa ‘l marcà, e a ogni dona i ghe diséa: "Siora."

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Luigi Ederle

Sono un poeta modesto. Scrivo per passione, nato a Grezzana di Verona il 06 / 09 / 1945. Premiato una cinquantina di volte. Scrivo in dialetto, in lingua e mi piace molto l'Haiku. Ho scritto un manipolo di commedie in dialetto e una dozzina di testi per canzoni. Ringrazio il sito Scrivere che mi ospita da otto anni. Lu