Poesia 11 ottobre 2017 · lettura 2 min · 1086 letture

L + Segui

La scaessàgna l’éra senpre bela, siora de fiori anca de inverno, sui vèci péoni marsi patòchi, rénto nei busi de i formigàri fioréa pianin pianin i fioreti tardìi de le sicòrie, e fra le ciaèghe piéne de fresco paltan se adegàa a alsàrse mòrbio e vérdo ‘l fomento scapà da la man del semenàoro col saco a tracòla. Sul bel de l’istà, ’n ten canpo che buta la biàa par aria e ‘n altro che ghe fiorisse i rissi de le ésse te paréa de essere ne la Piassa de i Signori che a Verona l’éra colma de fiori de ogni rassa. E là de setenbre l’ua mòra e coela bianca, su le pèrgole colme, taché a le spàle de’n perar e de na fila de pomari, passàndo te vivéi l’idèa de essere ‘n sior a la sfilàda de la moda. Adesso penso che: de bele cose se crésse e de ricordi se vive.

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Luigi Ederle

Sono un poeta modesto. Scrivo per passione, nato a Grezzana di Verona il 06 / 09 / 1945. Premiato una cinquantina di volte. Scrivo in dialetto, in lingua e mi piace molto l'Haiku. Ho scritto un manipolo di commedie in dialetto e una dozzina di testi per canzoni. Ringrazio il sito Scrivere che mi ospita da otto anni. Lu