Pirchì ti lamenti?

Sta vita, curri a passi i giganti! Fermati n’istanti, pi cogghiri quantu di beddu ‘a davanti Miravigghie d’assupurari, chi l’occhi mai vulissiru lassari. Lu suli, ‘a luna, li stiddi, lu mari. Di lu munnu ogni paiseddu girari. L’amuri, ‘ncuntrari E la menti fari vulari. Ma tu, ogni cosa vidi du versu sbagghiatu. L’eternu incazzatu. Cu la sciarra sini imparintatu. Lu cielu è sempri nigghiatu. ‘Na raccumannazioni cu Patreternu, pi nun finiri all’infernu. Truvatu lu Paradisu, scopri finarmenti lu surrisu.