Poesia 27 novembre 2017 · lettura 2 min · 837 letture

L + Segui

E a la séra,...alè se zuga a salta musséta, Coatro schéne destése e tachè a na vècia e stravècia caréta. Strucar i denti e sopiar come vento, ai ai... che pàche che bòte urtoni e pestoni par no’ topàr do, ma a la fine se fenéa a mòte. De far ‘sto zugo bastardo la mama no’ la voléa e el bupà tuto ‘ncassà osàndo a- drìo ‘l ne coréa con na sverdèla ‘n man e noàntri fenéimo nel vajo. A òlte ‘l ne brincàa e par scapàghe, ghe volèa corajo! Ma dopo, gh’éra da nar ‘n lèto, lavarse la schéna e sugàrse, alora speràimo ne la mama... che colcossa la saéa ‘nventàrse. Anca se tuto paréa a posto, de note i sogni nasséa stroi, e pessàta de chì e pessàta de là a la fine se sbregàa i ninsoi. A la matina con i oci ‘nmagonè catàimo la mama a le orassione e la diséa: "Santa Maria porteve ia ’sti fioi, con le brute o con le bone."

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Luigi Ederle

Sono un poeta modesto. Scrivo per passione, nato a Grezzana di Verona il 06 / 09 / 1945. Premiato una cinquantina di volte. Scrivo in dialetto, in lingua e mi piace molto l'Haiku. Ho scritto un manipolo di commedie in dialetto e una dozzina di testi per canzoni. Ringrazio il sito Scrivere che mi ospita da otto anni. Lu