Poesia 4 gennaio 2018 · lettura 2 min · 1609 letture

L + Segui

’N fondo la piassa i brusa stasséra la vècia cotolona e sgonfona: la Strìa. La ga do balaustre de rara belessa ’nvesse tuto ‘l resto: l’è na schiféssa. Apena ‘l stroo ‘l colma nostra la val davanti a tuti i bociasse del paese, col capucio fracà su la mascàgna, nessun vol perdare ‘sta cucagna. I oci de ‘sta sboltrona i’è coadrati, le ciàpe i’è du vedòti marsi patochi, soto le còtole la ga i mudandoni, che ami me par che i sia du bidoni, ma ela de la so linea la se ne frega, e la ride con ‘n boca du dènti de restel! L’è bela, l’è tonta, l’è magra, l’è grassa, l’è la vera regina de tuta la piassa. Ma èco che ‘n pirata ‘l fogo el ghe tacà... e se ghe de- staca i brassi e i rugola, prima ‘l drito e dopo ‘l sanco e nasse le s- ginse e lidére le sgòla sora le case, gh’è ci siga, ghè ci urla, nessun tase, le ganàasse de la gente le se fa rosse, e a ognun che se séca la boca e la gola, e i va de coà e de là ‘n sérca de ‘n gòto par chietar le oje... prima de l’ultimo bòto.

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Luigi Ederle

Sono un poeta modesto. Scrivo per passione, nato a Grezzana di Verona il 06 / 09 / 1945. Premiato una cinquantina di volte. Scrivo in dialetto, in lingua e mi piace molto l'Haiku. Ho scritto un manipolo di commedie in dialetto e una dozzina di testi per canzoni. Ringrazio il sito Scrivere che mi ospita da otto anni. Lu