Dialettali 12 gennaio 2018 · lettura 2 min · 4426 letture

L + Segui

Là ‘n fondo a la corte granda coatro buteloti grisi e assè bei, i fa su ‘l porco con tanta passion. Lì su do tòle longhe e scancanè i ga sènto brisoléte ‘n fila come soldè che le sgossola par tera coalche gossa, ma ‘l par che le canta:"Bandiera Rossa." E lori, i palpa, i struca, i franfùgna, i se gode, i se leca i bafi e sbrodolàndose i se le conta. De ‘sta pòra bestia, no’ i vol perdar gnente, i’à pensà a i brigàldoli, e anca a le codéghe! La par na cassa da morto, -coela piena de pestùme- ch’él ghe tòpa rento da ‘n trabìcolo che màsena a man: coele gustose: brisoléte e le fregoléte rassè ia da i ossi, e tuto coel che gh’è tacà a le slòpe de lardo. E i pesa e i tasta e i sala e i rùgola la pansséta, su ‘l fogo ‘npissà e i le ròsola su le bràse e nessu tase e po’ i fa marènda con polentina e costìne mal netè. I conpagna ‘sto ben de Dio col Soave Bianco a picole sgorlè, colme e stracolme de tanta Arte e galatèo... sior de la storia! Pian pian i taca a ‘nsacar: prima le mortadèle e dopo i saladi, sopresse, codéghìni, pansséte e de scondon i brigàldoli. Pena ‘rento ‘nte’n locale stroo, gh’è ‘l baldachìn ch’el spèta, con le staghéte là pronte e una a la òlta le se ‘npienisse. Nessun de ‘sti butelòti se sènte stràco, pian pian se fa la séra! E a laoro fenìo, ben i se comoda davanti a na panàra de polenta fumante, e ‘n pugno a testa de tasta sal. Ogni parte del porco, l’è ‘ndà a fenir al so posto e contenti i salsiciàri, i se resènta la gola co’ n goto de Reciòto.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Luigi Ederle

Sono un poeta modesto. Scrivo per passione, nato a Grezzana di Verona il 06 / 09 / 1945. Premiato una cinquantina di volte. Scrivo in dialetto, in lingua e mi piace molto l'Haiku. Ho scritto un manipolo di commedie in dialetto e una dozzina di testi per canzoni. Ringrazio il sito Scrivere che mi ospita da otto anni. Lu