Dialettali 31 gennaio 2018 · lettura 2 min · 1234 letture

L + Segui

Gh’éra na òlta la bela Maria, fiola del ferar e de la Pina, ma, al me paese de Marie ghe n’éra na sincoantina: Gh’éra la Maria Tegnìssa e coela da la cicia fissa, n’altra i le ciamàa la grossa Belona e che la ghe someiàa a la me parona, che no’ l’éra gnente setìla, come coela che la staséa a la Ila. Par mi la pì sinpatica, l’éra la Fiàpa, la ghéa i oci bei, la vendéa la s- gnàpa, e la Mariolina, i le ciamàa la Tratalà e mai la mancàa, mal vestìa, al marcà, l’éra amiga par via del nome a la Falòpa che i butèi i diséa, l’è na bela stròpa. La Marièla, par tuti l’éra, la Beléta e a brasséto la naséa con la Risséta, ogni tanto le capitàa da me sia Marietona, che l’éra ‘nparentà con me madona, che, gnànca a farlo a- posta la gh’éa tré Marie che i’éra so neode e altre tré, i’éra so sie. Ma ‘l me paese, no’ l’éra proprio mato, par le tante Marie che ricordàa Gesù coa’n l’è nato, parché gh’éra la Assunta e coela piena de Grassia, ma nessun se sognàa de dir... l’è na desgrassia, la mama del nostro Signor, l’è da par tuto, coesto, de la nostra religion, l’è ‘l pì bel fruto.

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Luigi Ederle

Sono un poeta modesto. Scrivo per passione, nato a Grezzana di Verona il 06 / 09 / 1945. Premiato una cinquantina di volte. Scrivo in dialetto, in lingua e mi piace molto l'Haiku. Ho scritto un manipolo di commedie in dialetto e una dozzina di testi per canzoni. Ringrazio il sito Scrivere che mi ospita da otto anni. Lu