Dialettali 6 febbraio 2018 · lettura 2 min · 1256 letture

L + Segui

Me nono ‘l ghéa na pipa fata da lu co’l legno cornàl, l’éra bela e ben fata, ’l le ‘npienèa de tabaco, strucandolo rento co’n la dieléta e sora ‘l ghe postàa na braséta con le mane, tolta a- rente al fogo, i so dièi i gh’èa i cali mòri grossi e duri come i sassi. Lu ‘l fumàa sentà al fogolar, con i pié su na vècia ‘soca, e po’ ‘l se ‘ndormensàa nel fumo che ghe giràa ‘ntorno. Ogni tanto ‘l se sveiàa sercando la so pipa noa che strucà ‘n man ‘l se tegnéa. L’éra la sagra de noantri brachéti, sganassàimo assè de gusto, e dopo, alè, ronchedàimo ma solo par torlo ‘n giro. Me mama la ne criàa, e la ne diséa: "Vegnarì vèci e po’ vedaren le vostre face!" A dir la verità, me nono proprio tanti ani no’l gh’éa, ma vècio vècio ‘l de paréa!

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Luigi Ederle

Sono un poeta modesto. Scrivo per passione, nato a Grezzana di Verona il 06 / 09 / 1945. Premiato una cinquantina di volte. Scrivo in dialetto, in lingua e mi piace molto l'Haiku. Ho scritto un manipolo di commedie in dialetto e una dozzina di testi per canzoni. Ringrazio il sito Scrivere che mi ospita da otto anni. Lu