Dialettali 20 febbraio 2018 · lettura 2 min · 1476 letture

L + Segui

Sènto persone sérimo ‘n contrà, ’n coatro stale se faséa ‘l filò. Ne la Staléta picola, gh’éra le done che latàa i butìni, e le diséa i rosari ‘n latin e po’ senpre le ‘nsegnàa le cante a la Madona. Ne la Stala de la corte a streta, buteléti e bociàsse a studiàr, ma sensa oja e manco passion. Apena pì’n su gh’éra ‘l Stalon là butelète e bracotièle, iéra là par ‘nparà a ricamàr soto na luse fiàpa fiàpa. Ma ne la stala Granda, là gh’éra butèi e butèle, omeni e veci pieni de afari e solo par coei naséa là a filò, là, mai mancàa ‘l sonador che con l’armònica a boca, la gh’éa la scrita:"BRAVI ALPINI," e lu l’éra ‘l capo de ci balàa, de ci cantàa cansone bele e d’amor e i seitàa finché la osse, fiapà e ràuca la se secàa e la se smorsàa. Noàntri bracòti naséimo a spiar, e da i busi de le àsse del solar, bifàimo e sognàimo la vita, coela bela che ne spetàa!

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Luigi Ederle

Sono un poeta modesto. Scrivo per passione, nato a Grezzana di Verona il 06 / 09 / 1945. Premiato una cinquantina di volte. Scrivo in dialetto, in lingua e mi piace molto l'Haiku. Ho scritto un manipolo di commedie in dialetto e una dozzina di testi per canzoni. Ringrazio il sito Scrivere che mi ospita da otto anni. Lu