Dialettali 6 marzo 2018 · lettura 2 min · 1346 letture

L + Segui

Soto la neve pan, ’l diséa me nono Biéto e mi vedéa le tré brassadèle che me mama ogni dì faséa. A le ondese i’éra còte e dal forno del fogolar bele, rosa, fora la i’é tiràa e le profumàa tuta la casa. Me nona Marietìna la ne ‘nsegnàa senpre che ne la brassadéla ’l pan ‘l cresse alto e l’è còto piassè ben! ’L me nonéto prima de morir ’l m’à spiegà ‘l parché, del soto la neve pan! "A l’inverno" lu ‘l contàa, "La piantìna la ga le raiséte, che le ga bisogno de ùmido, e soto la neve umido gh’è, le resta mòrbie e le se fa, grosse longhe e le camina. A i primi soli la pianta, bela e piéna la scapa ‘n su e la ‘npienìsse la spiga de grani tondi e grossi." Mi capéa ogni so parola e ghe dasèa senpre la reson, ma, moréa da la oja de cressére e de farme omo da mére coei bei canpi biondi de formento.

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Luigi Ederle

Sono un poeta modesto. Scrivo per passione, nato a Grezzana di Verona il 06 / 09 / 1945. Premiato una cinquantina di volte. Scrivo in dialetto, in lingua e mi piace molto l'Haiku. Ho scritto un manipolo di commedie in dialetto e una dozzina di testi per canzoni. Ringrazio il sito Scrivere che mi ospita da otto anni. Lu