Dialettali 21 marzo 2018 · lettura 2 min · 2907 letture

L + Segui

A la festa al mesodì su la tòla a casa mia gh’éra senpre la pearà, fata con tanto pan gratà, ’n po’ de ojo se no’ ghéra ‘l brodo, ’n par de prése de formàio gratà, miòla de osso de bo o vaca e péaro ‘n grani ‘pena masenà e po’ dopo lassà là su la fornèla che la boja par do ore. No’ l’è che l’éra tanto bona, e me fradel ‘l diséa:"No’ la me piase, ma la ‘npienìsse la pansa." Me nono che l’éra ‘n brào cogo, a le done tute ‘l ghe ‘nsegàa, che ghe voléa na raminéta de brodo con carne che ghe boja senpre lì a- rente e ogni tanto zontarghe a- pian ‘l bon brodéto. E la pearà de me nono par tuti l’éra la pì bona. Coan mi séra ‘n bel Alpin, e ghe faséa da magnar a i uficiài, ’l me capitano, bergamasco, ‘l m’à dito: "Veronese busaron, tì e ‘l to piron, fame tastàr la vostra santa peàrà, se te vol la licensa par nadal." Mi ghe l’ò fata a la maniera de me nono, le vegnùa tanto e tanto bona ch’él capitano lecàndose i bafi lu ‘nsième ai so tenenti, ’l m’à firmà la licensa, e par na òlta, ’l m’à dito grassie.

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Luigi Ederle

Sono un poeta modesto. Scrivo per passione, nato a Grezzana di Verona il 06 / 09 / 1945. Premiato una cinquantina di volte. Scrivo in dialetto, in lingua e mi piace molto l'Haiku. Ho scritto un manipolo di commedie in dialetto e una dozzina di testi per canzoni. Ringrazio il sito Scrivere che mi ospita da otto anni. Lu